27.10.2012

Kremmerhus og glasbrikker

Eg tenkte det kunne vera ein ide å sy kremmerhus av voksduk.

Dei kan jo brukast om igjen, og er berre å tørka av, eller vaska når dei blir klissete.


Det kan vera kjekt for både store og små, å ha litt energibitar å kosa seg med innimellom. Desse er utan borrelås, for tanken var å bruka dei inne.

Så sydde eg nokre glasbrikker i same slengen. 

Dei kan brukast på begge sider, og har eit anna motiv på baksida.

Tusen takk for alle kjekke kommentarar som eg får :) Eg set stor pris på dei.

Velkomen og til ny følgar :)

God helg :)

20.10.2012

Energiposar

Snack-pack heiter dei, men eg hadde lyst til å ha eit ord på norsk.

Dermed blei det energiposar, fordi dei skal fyllast med energimat.

Eg har brukt voksduk både som for og ytterstoff. Så blir dei klissete, er det berre å tørka av med ein våt klut.

Eg har laga mitt eige mønster på dei.

Dei er fine å ha med seg på tur, i sekken, i veska, på jobb, på skulen, i barnehagen, i lommen, ja overalt.

Og dei blir lukka med borrelås. 

Dei vil etter kvart bli lagt ut både her og her.

God helg, og takk for at du tok deg tid til å sjå innom :)

13.10.2012

Tid for ull

Det er vel forlengst tid for ull igjen, og eg  har strikka tre halsar i tjukt garn.

Dei er strikka på pinne nr 6.

Og dei er strikka i mjukt garn som ikkje klør.

Eg har strikka dei slik at det blir rullekantar på sidene. Det gjer at dei formar seg fint om halsen. Dei vil etter kvart bli lagt ut for sal.Vil du sjå den første som eg strikka i tynt garn, kan du sjå her

Her er det kaldt, men sol frå skyfri himmel i dag, så det ser ut til å bli ei flott helg :)

06.10.2012

Lyslykter

Det er så koseleg med hekla lyslykter.

Og ein kan skifta trekk etter årstid og høgtid.

Desse tre er gamle glas med ein vid fasong som eg tvilar på fins lenger.

Dei passa i alle fall godt til lyslykter.

Det er mitt eige mønster. Pynta dei med hamptau og treperler.

Dette er eit syltetøyglas, og eit honningglas. Det store er ca 12 cm høgt, og ca 8 cm i diameter. Det små er ca 9 cm høgt, og ca 6,5 cm i diameter. Men trekka kan nok passa til litt mindre glas og, for dei sit ganske stramt på. Og du kan pynta dei meir viss du vil, i din eigen stil.

Trekka til desse blir lagt ut for sal.

God helg, og takk for at du såg innom :)